Молитва Св. Отроку Вячеславу Чебаркульскому

 

Это моление святому Отроку Вячеславу состоялось на его могилке на следующее утро после падения метеорита в озеро Чебаркуль. Молитва Св. Отроку Вячеславу Чебаркульскому О пречудный отроче Вячеславе, чистотою твоею ангельскою нас очищающий! Предстояще святому образу твоему, со умилением сердечным молимся тебе, яко имущему дерзновение ко Пресвятей Троице: моли Бога о стране Российстей и народе нашем, да спасет нас Господь от навет вражиих: волшебства, колдовства, ересей, расколов, сетей злохитраго богомерзскаго антихриста, от бед тяжких и страхований последних времен. Твоими молитвами и предстательством да невозбранно прейдем от земли на небо, от мытарств же горьких и от вечных мук да избавимся и наследим Царствие Небесное, прославляя со всеми святыми Пречестное и Великолепное имя во Святей Троице славимаго Бога: Отца и Сына и Святаго Духа во веки веков. Аминь. Прокимен, глас 4: Творяй Ангелый Своя Духи,и слуги Своя пламень огненный. Стих: Благослови, душе моя, Господа, Господи Боже мой, возвеличился еси зело. Евангелие: Лк.51 зач.; 10, 16-20. Тропарь, глас 4: Чебаркульскаго града предивное прозябение, / грядущаго Божиего возмездия непрелестный провозвестниче, / страждущим и скорбящим целителю и утешителю, / вражией силы дерзновенный отгнателю и посрамителю, / предивный и преславный отроче Вячеславе, / моли непрестанно Христа Бога, / спастися душам нашим, во времена последняя. Кондак, глас 3: О преславный пророче и целителю отроче Вячеславе, / Светлый Ангеле земли Русския на спасение нам дарованный, / моли милостиваго Бога, / да подаст нам грехов оставление, / в болезнех исцеление, / в скорбех и напастех утешение, / от насильства вражия свобождение, // и душ наших спасение. Величание: Величаем тя, / святый Ангеле земли Русския отроче Вячеславе, / и чтим болезни и труды твоя, / имиже трудился еси, // во благовестии Христове.